高橋 (已結業)

位於Mikiki 2樓的拉麵店，平時食開豬骨湯或雞白湯，第一次食魚湯拉麵。一入去店員會比一杯飲品我，我以為係熱茶，點知原來係一杯暖暖的魚湯，好好飲。我叫咗特製飛魚鹽味拉麵，佢個麵係粗麵，好有口感，冇鹼水味，配濃味的湯底好夾。以為魚湯會有腥味，點知冇腥味仲好清甜，可能係燒飛魚，所以有少少煙熏味，湯底好特別。配料有竹筍，因為唔食筍所以走筍，紫菜，糖心蛋，京蔥和叉燒。叉燒係切到好薄，而且冇臊味。糖心蛋好入味，甜甜地，好好味。套餐可以配餃子，餃子皮薄多餡，味道都OK。唔知係咪因為價錢有啲貴，下午時間去全店得我一枱客，不過服務，食物和環境真的不錯，下次有機會會再去。