高橋 (已結業)

位于Mikiki 2楼的拉面店，平时食开猪骨汤或鸡白汤，第一次食鱼汤拉面。一入去店员会比一杯饮品我，我以为系热茶，点知原来系一杯暖暖的鱼汤，好好饮。我叫咗特制飞鱼盐味拉面，佢个面系粗面，好有口感，冇碱水味，配浓味的汤底好夹。以为鱼汤会有腥味，点知冇腥味仲好清甜，可能系烧飞鱼，所以有少少烟熏味，汤底好特别。配料有竹笋，因为唔食笋所以走笋，紫菜，糖心蛋，京葱和叉烧。叉烧系切到好薄，而且冇臊味。糖心蛋好入味，甜甜地，好好味。套餐可以配饺子，饺子皮薄多馅，味道都OK。唔知系咪因为价钱有啲贵，下午时间去全店得我一枱客，不过服务，食物和环境真的不错，下次有机会会再去。