湘川滬 (粉嶺中心)

营业中

休息中

平时帮衬开呢间，多数食干煸四季豆、糖醋骨呢啲小菜。今次见到有特别推介，剁椒蒸大鱼头加火腿津白都系203蚊，新嘢㖞，加上阿姐极力推介，就叫左呢个餐试试。其实真系非常大嘅挑战，因为我一个人单挑成两斤几重嘅大鱼头，讲真我又唔系𠮶啲会吮鱼头吮到津津有味嘅人。其实入得湘川沪餐厅，我反而系对佢个剁椒有兴趣，整得好食应该都几惹味，所以就搏一搏啦。个鱼头开边上，真系，好、很、大、个！ 所以阿姐话有成2斤重绝对所言非虚！ 蒸得算刚刚好，算系滑，有好轻微嘅泥味但都可以接受。反而个剁椒无我期望中的辣，酸同香。只是一堆虚有其表的红椒碎，唔咸唔淡，令人失望。当然，个鱼头是新鲜的，咁大只其实去街市买都要60-70蚊。佢收你呢个价唔算好过份，但输在味道，无奈。反而个配角火腿津白十分不错，单点都要$88，粒星是俾呢个津白的。