康瑞涼茶 (已結業)

难得来到深水埗，点可以唔食埋甜品，朋友介绍有间芋圆好好食，就算晚餐已经好饱都要一试。特式仙草百配(热) - 虽然有D贪心，但难得来到，咩都想试下，所以选左最多料的特式仙草百配 ，有齐芋圆、地瓜圆、小丸子、西米、红豆、薏米、珍珠 ，真系超级多料，一边食一边惊叹「咦，原来仲有D款材料架」，而且仙草好香滑，主角芋圆都好烟韧、弹牙，口感非常好！香滑腐竹莲子配芋圆(热)  - 相比之下香滑腐竹莲子比较失色，但都真系香滑清甜。两款甜品虽然味道都系偏甜，但都可以接受。整体而言，虽然款式唔多，以芋圆为主打，但芋圆做得出色，性价价比甚高，虽然远少少都要来食！