泰 (瓊華中心)

营业中

休息中

呢度既装修都充满泰国风情，成个感觉都好轻松好chill，虽然系商业大厦入面，但环境都好舒服，好似置身泰国咁！先试下佢地既沙律，鲜虾柚子沙律，将新鲜既虾肉同柚子既酸甜交融，口感脆嫩，令人回味无穷，无论系夏日消暑定系开胃消滞，呢个沙律都能满足到大家既需要！之后见到佢地呢度有唔同既串烧，仲有炭烧大鳗，真系要试下。鲜美既大鳗鱼配上炭火烧烤既独特香气，肥嫩既鳗鱼肉搭配上焦脆既鱼皮，酥软绵密既口感真系令人陶醉其中，鱼肉又饱满又鲜甜，鱼肉爱好者至爱！主食方面亦系有唔同既选择，海南鸡有一只，鸡肉鲜嫩多汁，搭配秘制既香辣酱汁，简直系一场味蕾上既盛宴，鸡肉嫩得黎鸡皮亦同样滑嫩，香辣既酱汁同鸡肉更系绝配，真系不可不食！而马拉盏炒通菜又系泰菜主角之一，辣辣既马拉盏炒通菜，带黎一场麻辣味蕾既冲击，将新鲜既通菜同香辣既马拉盏炒烹而成，口感嫩滑，辣度适中，味道香浓！最后泰式鲜虾炒金边粉就将新鲜既虾肉同金边粉巧妙咁炒制系一齐，口感丝滑，香气四溢，一啲都唔油腻饱滞，反而酸酸地好开胃！