甄記廚房 (已結業)

系太古坊返工，成日会嚟呢到食lunch，最出式系汤饭。(1)浓汤野菜泡饭<星期一至四供应>，橙红色汤底带有浓浓虾味，配上黏性强嘅珍珠米，食起上嚟口感烟韧，伴有几款蔬菜，特别欣赏茄子。此汤饭只有蔬菜，如想食肉可以加5蚊，有牛柳粒、鸡扒等等嘅选择。(2)鸡汤饭<星期五供应>，鸡汤清甜不油腻，鸡肉仍保留鸡味，伴上几粒红枣可见细心，好味到连汤都饮晒。(3)花雕大千鸡饭，将鸡肉丝、炸蒜片浸系特制酱汁内，可能系酱汁太浓，食唔到酒香，有d失望。午餐连饮品都只系三、四十蚊，就食到水准之作，绝对系抵。