久両菜

营业中

休息中

一段日子没有食过潮州菜，咁啱喺中环街市发现，店名叫做「九两菜」，布置挂满潮州美食的灯牌，非常之吸引，所以决定入去食。先送上潮州传统开胃小食，花生及咸酸菜，花生煮至很淋，咸酸菜超好味，因为少少甜，感觉很新鲜，估系自家制！蚬蚧鲮鱼球外层布满炸米，所以非常脆，蚬蚧有少少辣，跟其他餐厅唔同。牛魔王例牌份量超大，4-6分享都适合，有牛腱及牛筋，煮得淋，牛筋劲多胶质。金不换花甲煲很新鲜，花甲大大只，汤清甜。再来充满咸香的榄菜四季豆；最后核突佬炒饭，英文菜名是潮州炒饭，材料有腩肉、鱿鱼须、豆干、蛋，未食过咁嘅配搭，唔错呀！服务态度系几好，上菜节奏适合，一到一到慢慢上，最后仲有潮州茶饮，我觉得价钱好公道，坐得又舒服。