相馬日式火鍋 (已結業)

大鸿辉虽然多野食，但好多餐厅为左做多几枱客啲枱櫈都摆到好逼，坐得好唔舒服记得上次黎相马就对佢阔络既环境好满意，坐足两个钟都唔会好大味。一入门口就见到有新野，系朱古力喷泉～～～未食正餐已经想试甜品。今次试豚骨汤同每次shabushabu必食既寿喜烧估唔到豚骨味道又几浓厚。特选牛肉脂肪比例较少，带少少筋，口感更好更有咬口打边炉当然要饮汽水，呢度有新出呢款减慢糖脂摄取既雪碧同可乐，食落都无咁有罪恶感咩菜都有得拣，羽衣甘蓝、原条小萝卜、虫草花、秋葵，总有一款岩心水～～推荐豆腐，滑嫩得黎唔易散，用寿喜烧汤渌咸中带甜更好味第一次打边炉渌原条萝卜又几得意，食落几清新爽口，即刻觉得自己变左白兔仔。上次黎既时候无炸虾，今次终于有得试呢度既炸粉加左紫菜炸，食落更加香口，虾够大只饱满，啖啖肉。火龙果好甜西瓜相对起黎无咁甜，但口感够爽够清热。推荐甜品杯，一口气食左六七杯右边既抹茶红豆抹茶甘涩味十足，红豆绵密蜜甜。左边既芋蓉无多余调味，芋头味香而不腻，中间夹有松软既海绵蛋糕，层次鲜明。雪糕有五款口味，其中芝麻味最得我欢心，唔会太甜，芝麻味香浓，配埋花生粒食更香口，好满足呀