小瑪哥米線

营业中

休息中

呢间餐厅间唔中都会嚟食下午茶，平时通常叫四𩠌嘅蕃茄汤面😂今次同朋友嚟第一次食晚饭，原来夜晚都有二人餐，见到套餐都好丰富，食完会饱到上心口😂环境几舒服，有几张卡位坐！今次点咗个气锅鸡套餐小食拣咗凉拌金耳：呢个系来自云南嘅菌类，系一个特别嘅食材，亦都系第一次食，如果就咁食呢系冇乜味，但系点豉油就好似食刺身咁，食落去几有惊喜山珍气锅鸡：呢个天气冻冻地，食呢个啱晒，可以保暖！就好似炖鸡汤一样，汤好鲜甜，亦都好够味！除咗鲜鸡，仲有鲜菇和竹笙！鸡件都有好多旧，炖完啲鸡肉仲有味，可以食埋。香茅猪扒，煎到几香脆，香茅味好出鲜菌蕃茄汤米线： 份量都好多，好浓嘅蕃茄汤，汤底不会稀，米线都好弹牙猪骨清鸡汤米线： 清鸡汤清清地，仲有生菜同腐皮，腐皮食落去都比较滑玫瑰冰冰粉： 呢个都系比较特别，玫瑰黑糖捞冰凉啫哩，淡淡玫瑰味，上面呢再铺芝麻，食落去更加香水果茶：红茶浸住大量水果，有西瓜，火龙果及柠檬等，好清甜好解渴，啲生果仲可以食埋。