堅信號上海生煎皇 (淘大商場2期)

营业中

休息中

喺淘大花园闲逛后，行入二期商场嘅“坚信号生煎皇”食晚饭，店内简洁明亮，墙上一大幅卡通公仔构图与卡位之隔板系同一款，好有心思，颜色鲜艳，令人感觉开心。 两个人点咗一个特惠晚餐及上海粗炒。晚餐赠送两个灌汤小笼包，系即叫即蒸，端上来热辣辣，趁热品尝发觉皮薄馅靓，好多汁爆出来，美味非常 。主角当然系糖醋黄鱼，每件鱼块都炸得啱啱好，香脆鲜味，甜酸汁味道适中，惹味开胃，令人食欲大增，配埋菜饭 一流。加十蚊仲叫咗个红油拌水饺，有三只，辣辣地好味道。上海粗炒炒得有镬气，酱汁甜甜地，令各种材料及面都吸收晒啲精华，令人再三回味。叹埋一杯够滑溜，又有豆香嘅豆浆，真系完美嘅配搭喇！