629雞蛋仔

营业中

休息中

久闻呢间鸡蛋仔好出名，但位置有啲唔方便，距离地铁站都好一段距离，今日终于黎到试。见到老板系个有性格之人，店面到处都贴住一啲字句，叫人耐心等候，系人都要等。相信老板都系有爱心之人，见佢每年的指定日子，都会将营业额捐比慈善团体。乌龙茶鸡蛋仔乌龙系青茶的一种，本身味道亦唔会太强烈，茶叶加左入鸡蛋仔，有淡淡的茶香，几清香。不过，10分满分的话，甜度大约系1分 ，如果加返少少甜会好好多。鸡蛋仔的皮又冇我想像中咁脆，而且里面都几多空心位置。相比起好多街边的小食店，呢间系有heart的，但味道未到咁惊为天人，似系一般水平，但胜在街坊价钱，而且味道选择多。如果经过可以一试，但特登黎买就要谂谂了。