一寿司 (已結業)

因为男友钟情三文鱼寿司，所以今日又食日本嘢～以尖沙咀泥讲，要平靓正就真系不得不选择一寿司了…大致嘅嘢唔再重提，今次要ＳＨＯＷ吓未食过嘅各种寿司～（特登去试）是日菜式（全为寿司）：池鱼、盬烧青柠三文、黑松露拖罗甜虾、蟹籽蟹肉腐皮、海胆金枪腩、芝士𫠒红、黑和牛、鲭鱼、左口边、贝片（三食）、剑鱼（三食）、火炙海胆帆立贝、火炙黑椒吞拿、火炙焦糖鹅肝（我嘅必点）、火炙芝士海老天妇罗卷、三文（男人必点）仲好记得第一次食「牛寿司」系３、４年前响「ＭＯＮ字头」…果次佢做得好差，啲血染到旧旧饭都系红色，自此我一直唔敢再试…不过时间耐咗，自然就可以接受再次尝试～尖咀一寿司嘅食材处理一向唔错，所以今次特登叫泥试吓～鹅肝真系每次都无办法唔叫…太美好了～～>3<而左口边亦成为咗男友嘅新宠…好肥美！男人话好满意今次嘅帆立贝（平时叫普通的或刺身）不过我自己就觉得海胆唔够新鲜…而火炙黑椒吞拿同剑鱼（三食）我都几钟意，前者新鲜嫩滑，后者肥美又抵食（可以一次过食３种嘛～）食咁多先＄３００几埋单，抵过食放题啦～～