影片
更多
2022-01-08
250 浏览
（热）特浓手调朱古力 ☕ vs （热）芝士宇治抹茶 ☕朋友介绍，同同事开完会，就过嚟帮衬下 🤣（热）朱古力原先谂特浓，会唔会苦呢？试完一啖之后，唔单止觉得唔苦，而且唔算好甜，个味道好特别，唔识点形容。因为咁好快将成杯饮哂，钟意朱古力但又唔想咁甜，可以试下呢款特浓朱古力 👍🏻👍🏻个人觉得朱古力味可以再重啲 😆（热）抹茶如果唔太钟意抹茶味嘅朋友仔，又想试抹茶味产品，我会推介呢杯（热）芝士宇治抹茶。我本身对抹茶味嘅产品都比较抗拒，或者系因为佢个种好重嘅味，唔系每个人都接受到。同事比我试咗啖，比我想像中易入口，好香好滑，淡淡的抹茶味，唔错 👍🏻市面上好多热饮杯盖个嘴就咁推上嚟再压落个凹位度，唔饮嘅时候想盖番好，会好容易因为太大力，张个嘴压落咗落去，好难拎番上拎（唔知有冇人试过好似我咁 😂），但呢种热饮杯盖，出面好少地方见到，佢个嘴系连住条线，不论开嚟饮定冚返埋去晏啲饮都超方便，卫生好多，个人几钟意 😆会再嚟帮衬 试下其他产品 💪🏻唔熟呢头有啲难揾 😫长沙湾C2出口，入元州商场，唔洗上楼上，直接穿过商场去另一个出口，出番商场之后，左转一直直行，会见到好多食肆个边就啱（条路有啲远 🤣）之后会见到前
朋友介绍，同同事开完会，就过嚟帮衬下 🤣
（热）朱古力
原先谂特浓，会唔会苦呢？试完一啖之后，唔单止觉得唔苦，而且唔算好甜，个味道好特别，唔识点形容。因为咁好快将成杯饮哂，钟意朱古力但又唔想咁甜，可以试下呢款特浓朱古力 👍🏻👍🏻
个人觉得朱古力味可以再重啲 😆
（热）抹茶
如果唔太钟意抹茶味嘅朋友仔，又想试抹茶味产品，我会推介呢杯（热）芝士宇治抹茶。我本身对抹茶味嘅产品都比较抗拒，或者系因为佢个种好重嘅味，唔系每个人都接受到。同事比我试咗啖，比我想像中易入口，好香好滑，淡淡的抹茶味，唔错 👍🏻
市面上好多热饮杯盖个嘴就咁推上嚟再压落个凹位度，唔饮嘅时候想盖番好，会好容易因为太大力，张个嘴压落咗落去，好难拎番上拎（唔知有冇人试过好似我咁 😂），但呢种热饮杯盖，出面好少地方见到，佢个嘴系连住条线，不论开嚟饮定冚返埋去晏啲饮都超方便，卫生好多，个人几钟意 😆
会再嚟帮衬 试下其他产品 💪🏻
唔熟呢头有啲难揾 😫
长沙湾C2出口，入元州商场，唔洗上楼上，直接穿过商场去另一个出口，出番商场之后，左转一直直行，会见到好多食肆个边就啱（条路有啲远 🤣）之后会见到前面同右边有行人马路，右边系M记，行过对面M记，直望会再见到条行人马路，过埋马路一直直行，就会见到 😆
张贴
