四季常餐 (德輔道中)

营业中

休息中

中环系我眼中食乜都贵，连最平民既常餐都变得不平民…….但居然有餐厅系中环区做到$50有找既常餐!!! 唔太肚饿既我同友人，当然要撑下啦!🤗星期五晚市时间，餐厅人流唔多，无需等位。晚餐选择唔算多，6款饭同3款面，友人表示好耐无食沙嗲牛肉，所以二话不说点左个特浓沙嗲牛肉公仔面 $48汤底如其名，真系好浓沙嗲，我个人唔中意浓花生味既沙嗲，呢个正合我心意😋。公仔面煮到偏硬，我中意。沙嗲牛肉亦比得慷慨。四季茄牛通 $48我一向都中意食罗宋汤通粉，本以为呢个茄通应该同平时食开𠮶d大同小异之际，先现我谂多左😮。呢个汤偏酸，味道比较素，个人唔太中意个汤；牛肉口感ok，唔会好干好鞋，可以接受。常餐包招牌炒蛋+多士老实讲，个卖相真系呃得下人，灯黄色既炒蛋，配烘到少少㶶既多士，根本就系我杯茶!! 😏可惜，多士已经放左一段时间，唔再脆口，而且仲有少少韧既口感；多士牛油味好浓，相信如果新鲜出炉，应该好正。🤔 至于招牌炒蛋，我同友人都认为唔好味😣，一黎完全无蛋香，二黎炒到几碎，三黎几咸，个炒蛋食落有鸡粉/味精味，个人觉得斋落盐调味其实已经好够，唔驶加咁多野。