茶記冰室 (已結業)

因为听闻茶记冰室嘅冰镇咕噜肉好出名😆，而今日我同朋友又咁啱得闲，所以就同咗朋友去葵涌既茶记冰室食个饭👭。餐厅店员嘅服务态度好好，我地坐低唔够五分钟，就即刻帮我哋落单，以星期日人流咁高黎讲，店员既服务态度值得一赞👍。我同朋友都系因为呢度嘅冰镇咕噜肉慕名而来🤤，所以我哋当然有叫冰镇咕噜肉嚟试。个冰镇咕噜肉虽然配上左好多冰块，但冰块嘅味道都冇覆盖咗咕噜肉嘅味道，仲keep到咕噜肉既酸甜味😋。而且啲咕噜肉食落仲好脆口，所以我同朋友都好钟意食😎。而且我哋仲叫咗菜心炒牛肉同埋烧薯牛粒黎食。呢间餐厅嘅牛肉无论煮法系点，牛肉食落既口感都好嫩滑😝，一啲都唔韧，而且啲薯仔食落非常爽口，配埋个牛柳粒黎食，食落口感简直一流😍!晚市餐厅仲送咗个足料老火汤畀我哋，个汤饮落既感觉真系feel到一啲味精都冇😊，我同朋友都觉得个老火汤超好饮😜!呢度嘅冰镇咕噜肉唔单止好有特色，而且仲好好食，中意食咕噜肉嘅人一定要嚟试下😉。