鐵路便當 (已結業)

鐵路便當係某次google map搜尋土瓜灣老店無意中發現，但每次想幫襯都總係遇上佢地休息，今次終於搵岩時間要去會一會呢間小店。門外有條小小既隊，午飯時間算係滿座，店內空間唔大，但整齊企理，餐牌款式都十分清晰。係滷排骨定係炸排骨掙扎左一陣，最後決定嗌個酥炸排骨便當（蜂蜜芥末）。一上枱係嚇一跳既，份量係某日式快餐店所謂既「特盛」，排骨足以覆蓋成個便當，蜂蜜芥末十分夾排骨，唔會彼此搶味，除此之外，配菜都唔可以忽略，店家會每星期轉換一次，今日食到既係粟米炒雜菌、沙茶炒粉絲、琉璃南瓜、滷蛋及涼拌黑木耳，樣樣都好吸引！而成個飯都多到幾乎食唔晒。紅茶走甜清清味蕾，最緊要夠冰涼解喝。