麻辣妹 (已結業)

身边有朋友劲钟意食米线，奈何佢食嚟食去都系个几间，无咩新意。所以今次专登揾咗一堆未食过嘅米线餐厅比佢拣，唔使咁闷。餐厅卫生情况一般般，不过个格局几有四川米线店铺风味。-韭菜饺鱼腐重庆小锅薯仔粉我同朋友都拣咗酸辣中嘅微辣，但唔知点解我个碗特别红。汤底嘅麻辣味好足，浸辣味系慢慢渗出嚟。明明叫咗最低程度嘅辣，唔知点解食一两啖就辣到癫，朋友都系咁嘅情况。第一次试薯仔粉，口感同红薯粉相约。晶莹通透，但带有微微羊骚味。𩠌菜方面叫咗两个，叫咗韭菜饺同鱼腐。韭菜饺出乎意料地好食，韭菜量多又浓郁。饺皮薄透滑溜，吸晒汤底味道，非常入味。鱼腐就一般般，都系平时冷藏鱼腐个类。-口水鸡除咗口水鸡，仲有青瓜丝伴碟，清爽脆口。口水鸡辛辣之余唔会太麻，辣度唔会完全覆盖鸡肉香。鸡皮滑嫩，但鸡肉稔软度不足。