吉列牛忌廉烏冬專門店 (百樂中心) (已結業)

周未放工就一定要慰劳下自己，听从朋友介绍黎左百乐中心呢头试下个人气吉列咖哩乌冬。二人食就点左个吉列套餐，有牛又有乌冬可以一次满足两个愿望。吉列牛。上枱时应该只有三成熟，外表炸得香脆亦可根据口味再放上火炉再煎熟一点。其实煎到五成就差不多了，因为呢个牛油花唔多，主要系赤肉过熟的话会韧，影响口感。沾上少许芥末以减低油炸嘅肥腻感，几唔错。套餐配备左普通面豉汤／白饭／一口豆腐及麻酱蕃茄。两个小食都唔算特别，但配酱嘅柚子酱油加上少少芥末个味道同牛扒好夹，食落更清爽。忌廉乌冬。咖喱味够香，但辣道唔强都系偏向日式嘅甜味咖喱。加上忌廉嘅乌冬食落更觉滑溜，食时有啲忌廉嘅奶香味，唔错。下次要食佢个鸡肉炒面！以呢个辣度应该好吸引。但略嫌牛肉粒有啲过老，连埋乌冬食会影响到少少口感。单骨鸡翼(蜜糖烧烤味)。一食落口就觉得同SHAKE SHAKE薯条嘅味道十分相似，正中我地嘅味道！大量烧烤粉覆盖住可口鸡翼，每一啖都系惹味享受。正。两款饮品都唔错，玫瑰梳打入口好香，菠萝冰凉，各占小小酸味啱晒黎配炸物同食。餐厅改名无花巧直接了当讲出自己招牌菜式，方便食客入到黎点餐。呢点几唔错，似足日本。