小糖鈕 (已結業)

终于可以去睇期待已久嘅《与神同行》，但系我男朋友仲未放工，就唯有揾个地方hea，行下行下就见到一间service apartment 入面有间甜品店，所以就打算入去食住下午茶等埋男朋友。估唔到呢度除左有甜品食之外，仲有正餐。所以我就叫左一个海南鸡饭同一个甜品等男朋友黎一齐食。海南鸡饭通常出去食海南鸡饭，都系得脾、背、翼其中一样，而呢度竟然每个部分都有，等我地唔驶为争食而大打出手😂 而且海南鸡饭质素都唔错，肉质唔会太“鞋“。神秘甜品原来神秘甜品系由三款小甜品合并而成，分别系番石榴慕丝+橙肉金宝+香蕉芭菲并朱古力brownie。番石榴慕丝口感几滑，配上番石榴果肉，令一向唔钟意食番石榴嘅我都有对番石榴改观。橙肉金宝不过不失，但好处系相当足料，有橙肉同西柚肉系中间。香蕉芭菲并朱古力brownie，brownie 好好食，充满朱古力味，而芭菲味道普通，同一般芭菲一样。