影片
更多
2022-05-04
297 浏览
晚市重开后约埋几个friend食饭饮嘢，朋友喺附近返工嘅话呢间新开嘅串烧居酒屋ok于是就去试吓。舖头地方唔大只有四张四人枱，不过我哋几个男仔吹水饮酒就啱啱好，舖头系新装修地方都算干净企理。一坐低首先叫番round啤酒饮，佢哋系用suntory嘅生啤，而且仲有黑啤可以选择，对于非常钟意饮日本生啤嘅我就好似返咗乡下一样，非常开心。其中一个朋友就叫咗杯highball，佢话味道唔错起码唔会水汪汪好似饮水一样，下次都可以试吓。啤酒嚟到就叫咗几个前菜送吓酒，其中最好味同埋特别嘅系吞拿鱼他他，佢系吞拿鱼蓉下面放咗一块烤咗嘅鱼干，口感同味道好唔错，值得一试。其他居酒屋嘅经典小食例如枝豆同埋鱼干都系有心机之作，鸡皮饺子送啤酒一流不过口味清淡嘅朋友可能会觉得偏咸。饮到咁上下就开始食串烧，串烧等嘅时间比较耐不过佢系即叫即烧都冇办法啦，店主推介几款特别嘅鸡串烧我认为都值得一试(唔记得咗影相🥲)：鸡尾：即系鸡patpat，本身都半信半疑怕会有怪味，点知一啲臊味都冇，而且烧到好香脆，油香十足非常好食，本身叫咗一串试味食完即刻一日要多一串鸡横膈膜：本身以为系内脏，原来系一块比较有咬口嘅肌肉，而且肉味香浓比起平常用
舖头地方唔大只有四张四人枱，不过我哋几个男仔吹水饮酒就啱啱好，舖头系新装修地方都算干净企理。
一坐低首先叫番round啤酒饮，佢哋系用suntory嘅生啤，而且仲有黑啤可以选择，对于非常钟意饮日本生啤嘅我就好似返咗乡下一样，非常开心。其中一个朋友就叫咗杯highball，佢话味道唔错起码唔会水汪汪好似饮水一样，下次都可以试吓。啤酒嚟到就叫咗几个前菜送吓酒，其中最好味同埋特别嘅系吞拿鱼他他，佢系吞拿鱼蓉下面放咗一块烤咗嘅鱼干，口感同味道好唔错，值得一试。其他居酒屋嘅经典小食例如枝豆同埋鱼干都系有心机之作，鸡皮饺子送啤酒一流不过口味清淡嘅朋友可能会觉得偏咸。
饮到咁上下就开始食串烧，串烧等嘅时间比较耐不过佢系即叫即烧都冇办法啦，店主推介几款特别嘅鸡串烧我认为都值得一试(唔记得咗影相🥲)：
鸡尾：即系鸡patpat，本身都半信半疑怕会有怪味，点知一啲臊味都冇，而且烧到好香脆，油香十足非常好食，本身叫咗一串试味食完即刻一日要多一串
鸡横膈膜：本身以为系内脏，原来系一块比较有咬口嘅肌肉，而且肉味香浓比起平常用鸡髀肉做嘅鸡串好味
鸡颈皮：平时食鸡皮都系一块块脆卜卜，今次呢个鸡皮系卷埋一条同埋用汁烧，食落个口感外面脆脆地入边烟靭，汁烧亦令到佢味道丰富好多
另外比较有印象嘅系牛舌、泡菜豚肉卷、软骨鸡肉棒都水准唔错。埋尾叫咗个明太子茶渍饭团，入边个饭团系烧过嘅，有少少好似食锅巴汤饭嘅感觉，湿湿哋解解油腻系唔错嘅收尾，甜品方便就选择少啲所以冇特别叫。
总括嚟讲系食得开心同好味嘅串烧小店，下次想饮酒食串烧会再返嚟 😋
泡菜豚肉卷
17 浏览
0 赞好
0 留言
厚切牛舌
15 浏览
0 赞好
0 留言
吞拿鱼他他
19 浏览
0 赞好
0 留言
软骨鸡肉棒
30 浏览
0 赞好
0 留言
张贴
