凡高廚房

营业中

休息中

好耐以前原来我系嚟过呢间餐厅一次，今次相隔几年之后再嚟，食物质素一样好好，同店员倾过，原来餐厅已经开咗16年啦，喺疫情期间仍然继续营运真系唔简单。喺门口已经睇到好多好有特色嘅装修，入到餐厅入面更加系好多打卡位。今次我哋叫咗两个午餐，第一个系行政牛扒套餐（ $208 ），第二个系夹饼餐（ $98 ）再加左一个头盘同埋餐汤（加$10 ）。最后叫咗一个海鲜拼盘（ $58 ）。蘑菇汤系呢间餐厅嘅signature，超浓嘅蘑菇味，有机会一定要试吓。海鲜拼盘都好新鲜，有蚝、螺、虾、青口等等。三文鱼牛油果夹饼非常之大份，仲好健康有好多菜添。牛扒亦都系非常之大份，而且唔会韧，好有牛肉味。两个餐都跟咗甜品，一个系Tiramisu，一个系芝士蛋糕，为呢一个午餐画上一个好好嘅完结。值得一提嘅系餐厅气氛好好，而且店员都好友善。