兔子兔子茶飲專賣店 (已結業)

周围都系台式饮料店，唔搞D新意思或者特别主题点样吸引客人呢！？最近去左天后兔子兔子茶饮专卖店，主打兔仔logo + 每杯饮品都附带一个兔仔鼻纸牌，俾你可以扮下兔仔打下卡。天后店仲有得上楼上坐，楼梯两边都有好特别既装饰。因为系兔仔既关系，俾我有D Alice in Wonderland既感觉。但最近就改左同薯蛋头先生既联名心系列，纸牌转左做薯蛋头先生个鼻，纸杯都换成薯蛋头先生~不过我地就叫左朵朵沙冰系列，所以杯都系用透明杯。分别叫左蓝天朵朵同宇宙朵朵。两杯都好靓、完全就系天空既感觉。两杯都系以益力多做基底，宇宙朵朵会再多少少提子味。呢D禁热既天气，非常refreshing！不过记得叫少甜，因为我地唔记得叫少甜、都真系甜左D！