影片
更多
2022-06-25
359 浏览
店铺：Bali Bowl@Freshlane (北角)地址：北角电气道233号城市中心1楼47A及59号舖Freshlane呢排天气成日好反覆，就算放假但喺一落雨就唔想出街🌧。之前去过北角电气道嘅Freshlane知道𠮶度有好几间嘅云端厨房外卖店，见天阴阴，所以上网Order咗个外卖，趁无雨狗冲过去拎嘢食返去一边睇书一边食📖今次拣咗呢间主打印尼菜嘅@balibowl.hk 🇮🇩，因为上佢哋嘅官网落单满$150仲可以即减$50😍，真喺平好多；买满$300仲可以全港免费送货，不过我住咁近就紧喺自己去拎啦😎✝️特式五花腩饭 $88用咗东南亚地区好常见嘅叁巴酱(Sambal)去炒五花腩，喺娘惹菜、星马同印尼嘅街边小食成日都会见到，里面有炸红葱、炸蒜🧄、辣椒同虾酱等材料，食落香辣惹味。五花腩切开一条条，一啖肉一啖肥膏真喺劲邪恶😈，另外仲配咗只太阳蛋同炒豆角✝️海鲜虾酱炒饭 $68本身睇颜色同埋见到个名写住「虾酱炒」以为会好浓味，点知食落又几适中，当中加咗鱼蛋、虾干🦐、椰菜、葱花等，口感几丰富，唔会好油腻，不过如果多啲其他海鲜配料就更好，同样有只太阳蛋。唔食海鲜嘅人仲可以拣鸡肉虾酱炒饭🐓✝️沙嗲鸡肉串(
地址：北角电气道233号城市中心1楼47A及59号舖Freshlane
呢排天气成日好反覆，就算放假但喺一落雨就唔想出街🌧。之前去过北角电气道嘅Freshlane知道𠮶度有好几间嘅云端厨房外卖店，见天阴阴，所以上网Order咗个外卖，趁无雨狗冲过去拎嘢食返去一边睇书一边食📖
今次拣咗呢间主打印尼菜嘅@balibowl.hk 🇮🇩，因为上佢哋嘅官网落单满$150仲可以即减$50😍，真喺平好多；买满$300仲可以全港免费送货，不过我住咁近就紧喺自己去拎啦😎
✝️特式五花腩饭 $88
用咗东南亚地区好常见嘅叁巴酱(Sambal)去炒五花腩，
喺娘惹菜、星马同印尼嘅街边小食成日都会见到，里面有炸红葱、炸蒜🧄、辣椒同虾酱等材料，
食落香辣惹味。
五花腩切开一条条，一啖肉一啖肥膏真喺劲邪恶😈，另外仲配咗只太阳蛋同炒豆角
✝️海鲜虾酱炒饭 $68
本身睇颜色同埋见到个名写住「虾酱炒」以为会好浓味，点知食落又几适中，
当中加咗鱼蛋、虾干🦐、椰菜、葱花等，口感几丰富，唔会好油腻，不过如果多啲其他海鲜配料就更好，同样有只太阳蛋。
唔食海鲜嘅人仲可以拣鸡肉虾酱炒饭🐓
✝️沙嗲鸡肉串(3串) $34
用香料腌制咗嘅鸡肉串，鸡肉唔算好嫩，不过又未到嚡口嘅程度，
有阵阵香茅味，蘸埋佢哋自家制嘅沙嗲花生酱就更加好食😋如果就咁睇个价钱的确有啲贵，不过用咗满$150减$50嘅优惠真喺抵食好多👍
张贴
