古今二 (荃灣千色匯I) (已結業)

母亲节当日，陪妈咪去千色汇行街顺便食lunch。可能过左午市繁忙时间，唔驶排队就有枱。今次叫左三文鱼寿司，腐皮寿司，北寄贝同火灸左口鱼裙边寿司。卷物就叫左小朋友至爱既三文鱼卷同古今二出名既特色卷物～青龙卷。牛油果铺面配上寿司饭入面包住鳗鱼，清新唔会腻，好味道。热食点左日式叉烧鸡汤锅乌冬，鸡汤鲜甜，乌冬亦用上日本乌冬所以好有弹性，除此外，分量亦十分多，我地3个人都食到好饱。下次可以再试多几款特色卷物，应该唔会令人失望。