影片
更多
2天前
0 浏览
今日唔使返工，两个人出嚟行街，行到攰揾个地方食午餐，发现有间楼上舖，好高级嘅日本料理，装修简约、清新，座位舒适、宽敞。睇咗餐牌，见到午市套餐好特色，而且价钱合理，所以入咗去。我哋一行二人，伙计安排咗我哋坐吧枱，对住厨师，前面就系铁板，可以睇住厨师处理食材、接着即刻喺铁板上面烧俾我哋食。我哋分别叫咗两款唔同嘅午市套餐share嚟食，谂住可以试多几款菜式。首先来一份三色前菜，其中烟熏鸡肉好特别，生鸡肉经过烟熏处理，咸咸地，肉质鲜嫩，有少少似食紧三文鱼刺身嘅感觉。接着有「火龙果沙律」，伙计全菜嘅时候都会细心咁为我哋介绍每一味菜式，呢一个菜式系用日本火龙果制成，特别香甜。跟住厨师将食材攞俾我哋先过目，包括咗龙虾、和牛。俾我哋影完相之后，厨师就喺我哋面前即刻煎。首先系「香煎龙虾」配合虾膏制成嘅酱汁，好香口，龙虾肉已经拆左壳，容易食用，而且肉质非常鲜嫩。接着系牛扒厚切、同埋牛扒薄切配合葱花，造成卷状状。两款牛扒都同样好食，各有特色。伴碟有蒜头片，脆卜卜，好香口。另外仲有「三文鱼籽松露蒸水蛋」，入面有蚬肉同埋帆立贝，用料十足。最后系「樱花虾酸梅酱炒饭」配鲣鱼汤，可以自行制成茶渍饭，酸梅汁令到炒饭颜色
睇咗餐牌，见到午市套餐好特色，而且价钱合理，所以入咗去。我哋一行二人，伙计安排咗我哋坐吧枱，对住厨师，前面就系铁板，可以睇住厨师处理食材、接着即刻喺铁板上面烧俾我哋食。我哋分别叫咗两款唔同嘅午市套餐share嚟食，谂住可以试多几款菜式。
首先来一份三色前菜，其中烟熏鸡肉好特别，生鸡肉经过烟熏处理，咸咸地，肉质鲜嫩，有少少似食紧三文鱼刺身嘅感觉。
接着有「火龙果沙律」，伙计全菜嘅时候都会细心咁为我哋介绍每一味菜式，呢一个菜式系用日本火龙果制成，特别香甜。
跟住厨师将食材攞俾我哋先过目，包括咗龙虾、和牛。俾我哋影完相之后，厨师就喺我哋面前即刻煎。
首先系「香煎龙虾」配合虾膏制成嘅酱汁，好香口，龙虾肉已经拆左壳，容易食用，而且肉质非常鲜嫩。
接着系牛扒厚切、同埋牛扒薄切配合葱花，造成卷状状。两款牛扒都同样好食，各有特色。伴碟有蒜头片，脆卜卜，好香口。
另外仲有「三文鱼籽松露蒸水蛋」，入面有蚬肉同埋帆立贝，用料十足。
最后系「樱花虾酸梅酱炒饭」配鲣鱼汤，可以自行制成茶渍饭，酸梅汁令到炒饭颜色变成粉红，味道清新可口，加咗鲣鱼汤之后，酸梅味更加出众，樱花虾炒到脆卜卜，好好味，而且好特色。
张贴
