瀰月屋 (已結業)

一直都想去弥月屋试下日式和果子, 不过就系提唔起劲专登去北角试.星期六去行街时无意中俾我见到原来尖沙咀都开左分店, 更系要来试下.餐牌只得字完全无图片对我来讲都几困难.最后选左个一人拚盘 ~ 弥月三色当中有一个汤果子我选左甘栗, 茶巾同葛软滋.其实单睇名字完全估唔到系咩来.等左一阵一小盘既甜品就来, 卖相已经好吸引好精致!汤果子有得选冻/热, 夏天更系选冻啦, 初时仲会想像系好似港式糖水如栗子糊... 估唔到系一个好似清水加几粒栗子, 睇样就觉得唔好食..不过有时真系唔可以睇样这一个汤果子好特别个甜汤唔算太甜内里应该加左梅去煮所以带少少酸酸地, 成个甜汤最失败系甘栗, 栗子只不过系本土货式煮得唔够淋偏硬.葛软滋味道同卖相都似台湾既羊羹, 配上黄豆粉一起食都唔错, 清甜!最后茶巾用左二款既蕃薯打成蓉而成, 应该没有加糖所以只食得到淡淡既蕃薯味道唔错.环境都唔错, 可能商场人流少店又系商场既角位, 地方都几大, 店有榻榻米或木椅坐位选择