天龍咖喱

营业中

休息中

元朗區餐廳雲集，有好多唔同類型嘅餐廳同地道小食店，中西日韓泰，乜式都有。要講經濟實惠，一定非天龍咖喱莫屬。天龍咖喱除左係地道小店之外，仲要食物質素好，抵食夾大件。天龍雞皮卷 ($42)之前去台灣，曾經係夜市食過類似小食，當時一試難忘。估唔到係天龍可能食得返。雞皮包住雞肉炸到好似春卷咁。雞皮好脆，入面雞肉仲好嫩滑超多汁，配埋泰式辣醬勁好味。香煎牛仔骨（$38）牛仔骨肉質淋身，煎嘅火喉岩岩好，表面勁香。金牌牛魔王咖喱牛大四囍飯 ($112)咖喱有大量材料，包括洋蔥碎、薯仔等等，同普通普通咖喱完全唔一樣。咖喱送飯真係一流。牛肉，腩同牛筋份量超多而且肉質嫩滑。牛脷仲要厚切，而且入口即溶。呢個飯仲包左兩塊油酥飯，點住咖喱食超正。咖喱羊架飯 ($105)羊架大大舊，煎完完全唔鞋口，肉汁勁豐富，而且有三大件。點埋咖喱汁食，味道層次再昇華左。飲品-椰子冰（$25），傷檸樂（$25）途經元朗，又喜歡咖喱嘅朋友真係唔好錯過。