一君士多 (已結業)

今日同朋友去左尖沙嘴，见到新开无耐既一君士多，紧系要试下啦。装修好干净俐落，d灯好有旧时士多店既感觉，poster挂系墙又好cute。见到餐单，d料好足，但其实价钱吾贵，好平民，几抵食。海龙皇汤泡饭超级足料，又大碗！！！有长过手掌既龙虾，好爽口弹牙，又有青口、广岛蚝同虾。碗汤好有鲜味，将d饭放入汤泡简直一流。火山之牛饭饭面铺满芝士、牛同蛋，真系好似火山。食前可以将蛋黄切开，就有蛋黄流出黎，好滋味！之后重叫左2个小食，系芝士蘑菇鸡翼同南乳猪手。鸡翼中既芝士溶化左，可以拉丝，好正，而猪手又煮得好冧，好入味。最后紧系要叫怀旧风味既香蕉船，可以拣3球雪糕，又有格仔饼做伴碟，正！热柠蜜同菠萝冰今餐真系好满足，又抵！