維港灣餃子坊

营业中

休息中

系屯门行完菠萝山好肚饿，于是同朋友到元朗呢间咁出名嘅饺子店食晚餐。由于实在太肚饿，我哋几个各自嗌咗一碗汤饺面：大白菜鲜肉汤饺(8只)、香芹鲜肉汤饺配刀削面同埋咸蛋黄芥菜鲜肉汤饺，再嗌多咗个土匪鸡翼同蒜泥白肉。啲饺子非常足料，劲有份量，只只都包好包满！讲吓大白菜鲜肉汤饺先，因为冇跟面食，所以份量多啲，总共有8只，仲有一碗老火汤配，劲有屋企人煲嘅煮家汤味！咸蛋鱼芥菜鲜肉汤饺比较特别同新颖，好少见有舖头会将咸蛋黄放入饺子到整，十分有谂头！食落去同猪肉芥菜嘅口感十分夹，有下火功用，强烈推荐！！！土匪鸡翼比起平时食开嘅大只，皮脆肉暖，黑椒味又唔系特别浓，易入口。而个蒜泥白肉嘅蒜蓉都好入味，猪肉易咬唔韧，份量亦都好多，超级抵食。我哋仲嗌咗豆浆同银菊露，消暑解渴一流。