如意正餐

营业中

休息中

同朋友经过元朗大桥街市附近，见到呢间如意正餐店舖。买咗个外卖返屋企食，主打特色木桶饭和正宗炆锅饭。外卖即叫即做，唔使等好耐就可以攞得。农家回锅肉木桶饭回锅肉炒得十分惹味，辣度适中，所以大部份人都应该啱食，另外都算多汁捞饭一流。猪肉片厚薄适中同埋肥瘦均匀，食多几块都唔会油腻。酱香牛腩炆锅饭炆牛腩最紧要就系炆得够入味又够淋，酱汁又够惹味，除咗牛味仲有配菜嘅甜味。饭量几多，相当抵食又饱肚。猪肉粟米饺子饺子只只都煎得够香脆但又唔会太㶶。饺子皮厚薄均匀所以煎起唔会易烂。只只爆馅，食到猪肉香之外仲可以有爽脆多汁嘅粟米。