新漢記飯店 (已搬遷) 新店位置

一班朋友行完山，终点系粉岭，朋友提议话呢间唔错，比一般的客家菜特别。横掂未试过又有人推介，当然举手同意la!地方麻麻似旧式酒家，我o地未够六点半去到已经要坐楼上，到7点几已经有好多人系门口排队。我o地10个人叫o左十几样，碟碟都有水准，真系要写底如果唔系记唔得晒。当中我好欣赏有狗仔炆羊肉-非常入味之余仍可保留羊膻味，羊肉松化羊皮弹牙；酥炸生蚝-仲要打孖两碟，炸过后仍好鲜甜，好大只好香口；水瓜虾米煮鱼鳔-系用沙爆鱼肚，所以好夹脆；杂锦炒鱼面，话系用门鳝肉搅成面条，好够弹牙，加埋d辣椒油一齐食，真系一流；当然仲有我必叫的咕噜肉，一定系即炸，除了汁系热外，肉一入口好热好脆，可与“港大校友会”一决高下。而较失望有酱烤猪千骨，朋友推介话系招牌菜，而我觉得酱汁味道ok，猪骨唔够入未；海胆炒饭除了少海胆之外，饭亦炒得唔够香，比起布袋澳差好远。其余白切走地鸡、羌葱珍珠蚝、干煎凉瓜、鱼汤浸白菜同菜心苗，虽然唔系好特别的，味道好够水准，可媲美上等的酒楼，估唔度粉岭有间咁正酒家(唔知炉炉去过未呢)。我o地食到8点几行，仲有好多人等位，而隔离两间食肆只得5成客。