翁記上海館 (已結業)

今日去了慈云山见到呢间小店，食江南菜有宁波，上海，川辣菜色。餐牌多款式，如一人黎可试小笼包餐，一个面一笼小笼汤包都系$48以下，全日都叫得，抵食，不过今晚同朋友见到太多菜色，所以散叫小菜，先黎冷盘叫了水晶肴肉$42，卖相晶莹剔透，肉质鲜甜，唔会太咸肉味，唔需要点醋，会好食啲另一冷盘叫了川辣口水鸡$45，原来系胡麻酱，有啲花生酱同花生粗粒，好惹味呀！少少微辣，鸡肉好滑身，有好多件之后叫了阿翁上汤小笼包（4只）$24，好大只，一咬下好多汤汁，果然系店之招牌菜，而且好薄皮，肉质唔会腻口，轻点少少醋就可以，熏鱼菜饭$40，客饭既菜色，相对比例大碟，份量似小菜咁大㖞，抵食，熏鱼肉质腍身，唔会干，甜甜地𩠌菜饭不错。另一小菜系宁波家常炒鳝丝$68，呢个有特色，宁波煮法系麻辣味道，鳝丝非常爽口，干身，麻辣味浓，够晒惹味，系出面食唔到的。仲有杭州尖椒，有啲辣有啲唔辣，同传统银丝鳝糊好不同，虽然呢度都有得叫，见店员刚才推介生煎包$24，再叫埋，果然冇介绍错，肉汁鲜甜，唔腻，底有微脆，欣赏个包皮软熟，带点甜面团味，最后叫埋甜品，系酒酿桂花芝麻汤圆$22，超好味，酒糟味香浓，阵阵清香桂花味，汤圆皮薄，芝麻馅香