檸檬樹下

营业中

休息中

葵广出名美食天堂 ，除左野食之外，仲有野饮都五花八门。 最近大热既柠檬茶都系葵广愈开愈多，葵广比旺角优胜既一点系多本地牌子😬 唔会似旺角咁主打大陆既大牌。依间位于不算起眼既小店， 门面虽细，但胜在清新简约， counter前既柠檬墙（？） 好清新。 饮品款式都唔少。 职员只有一位， 但相当快手 。等左一阵已经有得饮。今次就试下芝士奶盖鸭屎香茶（$30） 鸭屎香柠檬茶就饮得多， 反而芝士奶盖加鸭屎香就第一次饮。 本身一直唔知鸭屎香系咩黎（一直都冇深究过🤣🤣） ， 上网查先知原来系茶叶名黎🤪Size方面$30有700ml 其实系正常。 奶盖饮落去芝士味颇浓但唔腻。 因为叫左少甜，所以茶味都好浓。 鸭屎香茶底其实偏苦涩，同饮落会回甘， 如果唔太中意浓茶既人应该唔太岩。