神燈海鮮酒家 (18廣場)

营业中

休息中

夜晚佐敦收工，揾下有咩食既期间，见到呢间个名几特别既酒家，又见到门口特色小菜介绍，就入黎试一试。餐牌上有个「环球三虾祭」，就叫左其中两个：「星洲麦皮虾」同「法式蜂蜜芥末虾球」。呢两味虾确实有惊喜，「星洲麦皮虾」用原只大虾(唔系虾仔^^)、「法式蜂蜜芥末虾球」就用虾球(唔系虾粒^^)，所以食落d虾既口感系爽口弹牙、实肉有鲜味。虽然两味都系虾🦐🦐🦐但食法完全唔同。 「星洲麦皮虾」原只大虾配上麦及蛋炒埋，食落口有少少奶油味又加上有麦皮既甜香，口感脆香，但记得趁热食，放耐左麦皮就无咁脆口。 「法式蜂蜜芥末虾球」虾球被薄薄既炸浆包住，再配上特制既酱汁。虽然酱汁有芥末，但不会呛喉，加上蜂蜜既甜，有种微酸带甜既感觉。 「鲜沙姜猪手粒」猪手切成细细粒，一口一粒，特别之处系用上鲜沙姜带出沙姜味而不是比碟沙姜酱你点，所以沙姜味更香更有新鲜感。 「神灯小炒王」除左有猪板筋、四季豆、腰果、虾干，仲加左马蹄同埋油炸鬼，油炸鬼十分脆口，马蹄又够爽甜，而加埋少少微辣，镬气够加上口感非常丰富。 「即烧古法金钱鸡」传统怀旧菜式，瘦肉、鸡膶，肥猪肉串成，即叫即烧，虽然有一大旧肥肉，但配埋柚子汁后，油腻感减去，多一份甘香。