居酒屋·姫 (已結業)

今日再次经过《姫》，老公话食多次，今次再试餐厅其他食物🥢海鲜及野菜天妇罗炸虾嘅部分，虾肉鲜嫩多汁，外皮炸得恰到好处，冬菇嘅质地咬落去有层次感，而番薯嘅炸得香脆，内里仍然保持住柔软嘅口感🥢活龙虾刺身（包釜饭）佢哋系新鲜龙虾当场处理，所以龙虾肉质鲜美，脆嫩弹牙，每一口都充满浓郁嘅海鲜味道，而包釜饭部分亦都系一绝。饭粒蓬松，每一粒都沾满啲龙虾嘅鲜味，配合龙虾肉嘅丝滑质感，真系令人回味无穷。而包釜饭底部微微焦香，带嚟一啲脆口感，增添咗整体食物嘅层次🥢塩烧油甘鱼鲛当切开鱼鲛时，肉质鲜嫩多汁，完全保留住原汁原味，配上淡淡的海盐调味，突显出鱼本身的鲜甜，系外观上，呢道菜带有浓厚嘅炭烧痕迹，食物表面微微烧焦，有种独特的炭烧香气