楊記麻辣魚館 (長樂街)

营业中

休息中

平日都好少食川菜，今日因为要招呼朋友，就黎到屋企附近呢间餐厅食饭。餐厅环境系一般茶餐厅嘅格局，店员几有礼貌，上菜速度亦都快手，对佢哋嘅服务系满意嘅👍🏻以下呢三款食物系我觉得今餐最好食嘅。手撕包菜上枱嘅时候非常之香，令人食指大动。包菜炒得岩岩好，唔会过火，唔会太老，口感爽脆微酸。宫保鸡丁有大量花生做配料，食落口感更加丰富，而且啖啖肉。味道辣中有甜，入口既时候先有香辣既味道，然后有少少甜，唔会系令人好辛苦嘅辣味。四川扣肉系比较重口味嘅菜式，味道比较浓、香，肉质香软，重点系肥而不腻，食完冇饱饱滞滞既感觉，捞饭食相当唔错！