雅士餐廳

营业中

休息中

今日约左好姊妹系粉岭附近食饭，想揾一个可以坐得舒服又唔会赶住要走既餐厅食饭。路经呢间餐厅见装潢都几靓几古典，又睇落几舒服，重点又唔会好多人唔洗等位，于是就入左去食了。呢度都有好多选择，我地一行三人都拣食唔同既扒，可以share 食。叫左牛柳、猪扒同埋三文鱼。先有餐汤，拣左平时少有得饮既周打鱼汤，都几鲜味好饮。跟埋餐包，餐包微暖，涂牛油，都好食牛柳配薯菜，牛柳7成熟，都易切，味道都唔错，食落都有咬口唔会韧，薯条都热辣辣既。猪扒唔记得影相，相对冇咁嫩口，但印象中都唔差。三文鱼扒都煎得几香，不过有少少油，但都香脆既，意粉超多！其实佢仲配埋餐饮同啫喱，个啫喱又几好食㖞！又有果肉！ 个餐超丰富、量多，好饱肚，我地完全食唔晒啊！ 呢间餐厅几好，服务唔错，份量又多，程点系坐得舒服，环境几好。