二分一 啡。故事

营业中

休息中

放工成日经过呢间Cafe，望到入面装修系几classy嘅工业风，一直都好想试但系次次都已经闩咗门，上星期日放假特登过嚟呢头try try佢。鹅肝炒蛋Croffle $72本身好钟意食croffle，呢碟croffle完全冇令我失望。炒蛋生熟度啱啱好，鲜嫩香滑，而且份量足够覆盖成件croffle。鹅肝相比之下口感稍为逊色，系室温嘅，而且冇煎过嘅香脆感，但系入口依然油香四溢。虽然张相见唔到件croffle，但系佢绝对系呢道菜嘅主角，上枱热辣辣，香脆可口富油香，层次分明，令成道菜口感丰富。Flat white $40咖啡饮落偏nutty，冇酸味，入口顺滑。拉花有别于一般嘅心形拉花，系天马造型，激发我嘅少女心。Cafe仲有一只好可爱嘅猫店驻守，门口又有拉卡位，绝对系一间内外兼备嘅cafe。