函館元祖北海道拉麵 (已結業)

放工同朋友去左位于佐敦的函馆元祖北海道拉面食晚饭。呢间餐厅铺面唔算大，装修简洁, 感觉几舒适。北海道3.6牛奶芝士拉面 - 猪骨汤中融入左北海道3.6牛乳，成个汤底充满左奶香味，入口好顺口，饮完都唔会觉得油腻，拉面上面铺左芝士碎，芝士溶化之后挂左系面上，增加左面的香口度，每一啖面都好rich。金味增拉面 - 金味增的味道浓厚，唔会过咸，饮完唔会觉得口渴。d面份量真的十足，面条够烟韧够爽口。豚肉切得都几厚下，肥瘦均匀，肉香几浓，味道唔错。溏心蛋的蛋黄色泽金黄，咬落满口香浓蛋味。章鱼丸- 咬落质感唔会太浆口，够软滑，口感爽弹且有嚼口。木鱼丝够大块，带烟熏香。烧鲭鱼- 鱼香浓郁，唔会腥，鱼肉香嫩入味，鱼的边位烧至微焦，好香口。