王林記潮州魚蛋粉麵

营业中

休息中

作为大西北人山长水远去鹤咀行山，行山之前要经筲箕湾搭车，顺便就去食个出名嘅鱼蛋粉牛腩捞粗。要左鱼片蛋捞粗($48)食落好有咬口，冇乜碱水味，有咬口到要咬多两三啖先可以咬得碎。呢个面真系比较有特色，味道比普通豉油捞面更加有特色。黎到不妨试下。另外佢嘅辣酱都几有特色，用黎吊味层次丰富左好多。鱼蛋鱼味几香，同街边货色真系有分别。弹牙就唔算特别弹牙嘅，手打鱼蛋嘅我expect再有咬口啲。汤底偏咸，层次比较单一。另外要左佢最出名嘅切腩捞粗($55)牛腩牛味香浓，份量就唔系太多，但够软淋入味。加左个牛筋丸但味道正常，冇咩特别。