漁匠料理 (已結業)

上水呢个地方除左水货出名，原来野食都多。今次就揾到呢间渔匠日式料理。咁今次我就两个一去，一于试下店铺推介既二人盛套餐，光睇个价钱都觉得吸引，咁既价钱食日本野？先试下呢个头盘黑醋冻蕃茄，先系佢服务好好帮你去哂皮，超方便，冻食感觉好特别，蕃茄本身酸酸甜甜，加上黑醋完全凸出酸甜感觉，味道口感一流。之后食个鹅肝，不过呢个唔同，佢系夹住萝卜冬菇一齐食，鹅肝入口即溶，但又有萝卜冬菇比你咬下，唔会食落去空溜溜。鹅肝本身农味，但加埋萝卜冬菇口味清新，中和左个味道。最后介绍埋呢个金菇肥牛卷，呢个最难之处系煮太耐肥牛会老无哂牛味，煮太短时间又怕金菇唔熟。呢个个火喉、时间都捉得好好，肥牛仲嫩口，金菇爽口唔怕韧，肥牛既牛汁入哂金菇到，一个字：正！套餐仲有活鱼刺身、寿司等不能尽录，总括而言咁既价钱食到咁高质既日本料理，真系买少见少。