居酒屋·姫 (已結業)

尖沙咀不嬲都多嘢食，放工想同同事食日本嘢过happy friday，咁啱经过见到呢间居酒屋，俾日式风格嘅招牌同装修吸引咗，所以决定入去试试！😍纽西兰牛柳呢款串烧香味十足，而且好嫩，肉汁完全锁喺入面，啲酱汁令牛柳更加入味，同埋一串嘅份量好大，包保可以啖啖肉食得满足！天妇罗大虾卷(六至八吋虎虾)上菜嘅时候已经俾个摆盘吸引咗，非常日式而且打卡able，有大大只虎虾尾喺到，虾肉仲要占咗每件寿司内馅嘅一半！绝对系真材实料～食嘅时候觉得好新鲜，因为内馅有几款食材，同虎虾好夹，同埋珍珠米粒粒分明，超好食！