一門 (已結業)

一门同其他日式料理店唔同，除咗食寿司刺身之外，佢仲有好多fusion嘢食， 所以得闲同朋友都会嚟食佢。 佢喺铜锣湾sogo对面， 十分方便。日本番薯沙律， 佢嘅日本番薯好甜，配沙律好fresh好好食。 海胆蟹肉牛油果卷， 上面铺满厚厚嘅海胆同蟹肉， 中间夹住牛蒡同牛油果， 脆脆嘅牛蒡配寿司饭，口感好特别。白身鱼薄切， 新鲜嘅白生鱼陪麻油豉油酱， 十分鲜味。A4和牛玉子卷， A4和牛鲜嫩多汁, 包住玉子烧, 估唔到十分match。玉子烧索咗和牛汁， 味道同层次都丰富咗好多。香草煮蚬意大利粉， 香浓嘅香草味配新鲜蚬肉， 配合得好好。蜜桃梳打， 味道好好，而且仲有黄桃肉喺梳打里面，好好饮。海盐荔枝梳打， 荔枝味浓而且有淡淡嘅海盐 配椰果食，口感丰富。