黑木亭居酒屋 (金馬倫道)

上餐厅前既楼梯都有日本居酒屋风格，上到去坐，啲位都阔落，坐得舒服。拣左啲特色野食。火龙果佛手柑熊茶，蓝蝶花佛手柑熊茶都好大杯，有只熊仔做装饰，仲有几多朵玫瑰花，建议饮咗第一二啖先好用饮管，如果唔系会满晒出嚟， 配有柠檬，柠茶中带点火龙果/蝶豆花嘅味道。三味铁板A5和牛鹅肝，石板上菜，一到枱就闻到阵阵香味，热辣辣超新鲜，配有明太子香葱豉油，佢连几块面包用嚟配鹅肝食，鹅肝好腍，无腥味，入口即溶，仲配有洋葱，连卜卜脆嘅面包，成个口感好好。大葱蒜蓉和牛，配明太子香葱豉油，豉油入边有带点酸味，刚好中和返和牛嘅油。厚切A5和牛，做到半生熟，外熟内生，好Juicy口感好好，够腍冇筋。黑糖啤酒拉面2.0 ，以啤酒杯上，杯面系奶盖，底下系冷面，味道似系乌龙茶奶盖拉面，味道出奇地夹，配埋芥辣香葱同紫菜，好有新鲜感嘅冷面，食落唔会甜，味道啱啱好！手羽鸡翼塔， 有8件鸡，皮脆肉嫩，系炸鸡翼，配有酸忌廉酱，食嘅时候建议将塔上的鸡翼掹咗落嚟先再食，炸粉唔厚，配酒一流。