小豆町日本料理

营业中

休息中

2018就快完喇，今日得十二度，超冻既天气，我地竟然想食刺身，去左蓝地小豆町，每人点个Lunch set打底先，我就拣左个杂锦刺身沙律配冷荞麦面个冷面汁好出色，浓度适中，加小小Wasabi，成注面浸落去再食，真心正，食哂成碗都仲想食，好开胃，杂锦刺身有几款鱼切粒，虽然个沙律只系得青瓜丝，但呢种系细青瓜，会爽口D，主要加左d吴知咩汁，又有wasabi，又有d果味，好味，呢个餐食材吴贵，主要就系食个汁，师傅调味既功夫，$48,有饮品，有面豉汤，仲平过茶记，另外午市优惠追加左份甜虾$18，三只有头既大甜虾，平到不得了啦呢个。然后点左个，吴记得拒餐牌叫咩名但我食得出系鸡泡鱼干整的，都ok，九重卷入边有几款鱼，吴识分，面上有海胆同三文鱼籽，食落好多种味，几有特色既自创卷物，下次都必点呢个