茶屋町 (長沙灣道) (已結業)

今日嘅愿望系食蟹肉，雪糕，甜品，嚟咗深水埗嘅呢一间日式小店就可以一次过满足晒三个愿望。我叫咗一个期间限定嘅蟹膏三文鱼子丼，食蟹有乜好得过唔使自己剥壳，有大片大片嘅蟹膏同埋蟹肉捞饭。小店亦都唔吝啬佢嘅三文鱼子，每一啖饭都可以食到蟹膏蟹肉同三文鱼子。有萝卜做前菜，亦都有面豉汤，连面豉汤都有蟹肉。在叫左个水信玄饼，好钟意个英文名，叫Raindrop Cake，好有诗意。甜品重头戏系茶屋宇治金时，睇到都开心，食埋更加满足。仔细欣赏下小店嘅设计，其实系非常之有心思，睇得出老板好钟意日本，海报，装修，布置都非常细致。