隨心 (已搬遷) 新店位置

点了福建面，原来又系个名同地点系唔太有关系嘅。好似星洲炒米咁，唔系星加坡特产。福建面系马来西亚嘅特色美食，入面有颇多虾仁及鱼蛋片，呢度嘅版本系唔辣嘅，如果去吉隆坡食，系会配搭参巴辣椒酱一齐食。水晶粉沙律，沙律菜配上坚果，味道清新。麦皮虾就见得多，今次有麦皮鸡，一样咁香脆可口，炸完唔会好油腻，食完无乜罪恶感。个蛋饺子好好味，外皮充满蛋香，个辣汁轻微辣，加埋好惹味，送饭送面都合味道。餐饮点了柠檬薏米水，味道酸酸地唔会过甜，同东南亚菜式好夹。