小火山 (已結業)

上网见到泰式打边炉仲要系烧烤边炉两食，觉得好新奇所以同朋友嚟食。小火山牛骨船汤闻落去好香牛骨味浓郁，饮落去有少少药材味，几特别。 香茅椰汁鸡汤 推介味道其实好似冬阴功汤， 饮落去酸酸辣辣，有椰汁嘅中和所以都偏小辣。 鱿鱼 推介❤️鱿鱼非常新鲜， 滚亦都好软好林。 而且配合埋汤底嘅味道，带到鱿鱼嘅鲜味。 同埋汤底亦都更似海鲜冬阴功汤。❤️烧烤拼盘 有猪肉同牛肉，牛肉本身调味比较浓放落去烧烤味道啱啱好。佢本身嘅酱汁系泰式酱汁， 青柠蒜头辣椒味都有。 中和左肉味本身嘅调味。猪肉嘅调味就冇咁浓郁， 配合牛骨汤或者香茅椰汁鸡汤，个味道就啱啱好。 猪肉牛肉嘅肉好林，唔会柴口！ 泰式芭拉鱼露大虾拌木瓜沙律🥗 大虾爽口弹牙， 成个沙律嘅调味偏辣。 木瓜丝咬落去好爽脆，本身木瓜丝嘅清新甜甜地中和左成个辣味。钟意辣嘅朋友啱晒。泰式奶茶 ， 泰式奶绿 呢间嘅奶茶几适合香港人口味， 唔会好甜。 而且茶香非常重。 食辣嘢一定要整返杯，解下辣。