泰嘟嘟

营业中

休息中

今日来利奥坊商场对面一间泰国菜小店食晚餐，晚饭时间座无虚席，就算订咗位都要等一阵先可入座，店内的布置陈设好有特色，有霓虹灯同涂鸦墙装饰。椰青🥥好大个好多汁，椰汁清甜，清新解腻，椰肉都好软身，好容易刮到出嚟。泰式酸辣凤爪沙律🥗无骨凤爪爽口入味，配埋洋葱丝同木瓜丝清爽解暑，酸酸辣辣十分开胃，辣味有后劲，会越食越辣🌶泰式经典明炉乌头🐟呢个价钱食到呢款菜式都几抵食，乌头几大条，新鲜多肉，汤底酸酸辣辣好惹味，下面放咗好多粉丝，吸收左鱼嘅鲜味同汤汁👍🏻泰式辣椒膏炒花甲酱汁好香好惹味，少少辣多多咖喱香，花甲肥美新鲜，送饭一流😋整体来讲，食物质素不错，款式多，价钱合理；虽然舖头比较细，枱櫈比较窄，但以小店形式来讲几有特色；店员亲切有礼，小店经营顾客多人手少系会比较忙，大家都体谅。