火鍋英雄 (已結業)

铜锣湾呢间火锅英雄已经系第二次嚟食， 上一次食材料新鲜，汤底足，今次就试下佢唔同嘅特色火锅汤底喇。 店内坐位宽阔，例如呢啲卡位，就可以坐到六个人。唔系繁忙时段嘅两个人都会安排入坐。 上次饮咗落神花茶，甜甜酸酸几好味。今次呢支竹蔗茅根，冰冻得黎唔太甜，味道好清凉，够晒清热解渴。 今次试下呢个酸菜冷鱼锅，酸辣嘅汤底好醒胃。味道唔算太辣，但系个酸菜味就好正，再加埋独特嘅香料味道，好想一饮再饮。 鱼嘅份量都好多，完全冇骨啖啖肉，唔怕细路仔哽亲。 呢度嘅配料都好新鲜。四宝丸有虾丸，墨鱼丸，牛肉同埋鲮鱼球。每款丸味道鲜味出众，虾丸，墨鱼丸更够弹牙，口感十足。 蒙古羊肉片 色泽，色泽鲜艳。一睇就知新鲜切出，入口羊肉味够浓，带有一丁点羊骚味，口感松软 一啲都唔韧。 美国雪花肥牛，纹理清晰有致，色泽靓丽，口感较羊肉为实， 更带嚼口，浓郁牛味却唔骚。 虽然呢个响铃唔系话好特别，但系用料新鲜。一入口就知系大豆类打出嚟，够晒浓郁嘅大豆味， 口感松脆。 炸鱼皮又系好好食嘅，必点菜之一。唔放落汤斋食已经觉得好松脆。入口有好香鱼皮味，配埋酸辣汤味道更佳。 最后当然唔少得新鲜嘅生菜。色泽亮丽，入口爽脆，咁简单嘅食物质